Paano Ba?

Paano ba ang magpatawad sa iyong naging kaibigan?
Dahil sa kanyang mga salitang nabitawan, puso ko’y lubhang nasugatan.
Lahat halos ng kanyang hiningi, materyal na bagay man o hindi
agad kong napagbibigyan kahit may sarili rin akong pangangailangan.

Subalit noong ika-tatlong Lunes ng Disyembre, isang hapong madilim at maulan
Sa calculator na hindi ko maipahiram, sapagkat ito’y akin ding kailangan.
“Maramot ka!” ako’y kanyang sinigawan.
Puso ko’y labis niyang nasaktan.

Lubhang napakasakit na ang mga salitang iyon ay marinig
Galing sa isang kaibigan, galling mismo sa kanyang bibig.
Anong nagawa ko’t ako’y labis niyang sinaktan?
Labis niyang sinaktan sa isang mababaw na dahilan.

Paano magpatawad ang isang pusong napagtaksilan?
Pusong niloko ng mapagkunwaring kaibigan
Ang tratuhin siya nang mabuti ang siyang tangi kong ginawa
Subalit kanyang sinuklian ng maaanghang na salita.

Paano magpatawad ang pusong nasaktan?
Pusong pag-ibig lamang ang siyang tanging laman
Pusong ang maging masaya at magpasaya ang tanging hangad
May puwang pa ba dito ang pagpapatawad?

Puso ko’y hindi galit ni walang bahid ng poot.
Ito lamang ngayon sa kanya’y nagtatampo.
Sa kanyang mga winika’y mundo ko’y gumulo.
Sarili ko’y winasak niya’t binago.

Akin bang kapatawaran sa kanya’y karapat-dapat?
Tanong ko sa sarili, puso ba niya ay tapat?
Ang aking desisyon ay dapat siguraduhin
Kung siya’y idededma, o kung siya’ patatawarin.

Sarili ngayo’y nalilito at naguguluhan.
Ano ang dapat gawin? Alin ang dapat paniwalaan?
Ito bang isip na wala ng pinakikinggan?
O ito bang pusong parating bukas sa sinuman?

Paliwanagin mo itong aking puso’t isipan Diyos na Makapangyarihan
nang malaman ang kasagutan sa aking katanungan
Paano ba ang magpatawad? Paano ba?
Paano ba? Paano?