Sa aton paghuna-huna
Sin-o gid bala ang gilayon nga makatapna
sang nagkalain-lain nga krisis sang aton pungsod
sa edukasyon, sa ubra, sa duta kag sa pamalaklon,
Sin-o gid bala ang makasulbar?
Amo na ang pamangkot na 'kon.
Indi bala dugay na kita gadamgo sang aton pag-uswag?
Maka-ubra tawhay kag bayaran sang sapat,
Makakaon insakto para ang tutunlan indi mag-askad.
Indi lang puro asin nga tam-an kaalat.
Sa pila ka tuig nga pagduso sang pagbag-o,
Sin-o gid man bala ang makahimo sini sang insakto?
Ina gid man bala ang isa ka lalaki nga kuno insakto ang agi
Daw si sin-o nga maayo nga gulpi nalang nag-kari.
Pero kung ara gid man siya sa husto nga alagyan,
Ngaa ang iya duta indi ya malang mabuy-an?
Samtang ang mga imol nagapanawagan,
Ato to siya nagabungol-bungolan.
May paglaum gid man bala kita sang pagbag-o halin sa iya?
May mahimo gid man bala nga kaayuhan ang pagpungko ya?
Ukon asta lang man na siya sa hambal
Wakal lang nga wakal, nga daw damuhal.
Sa sini nga tini-on indi kita dapat maghipos-hipos lang
kinanglan ta pakigbatu-an ang sistema nga tiko kag kulang
Kinanglan ta isulong ang interes sang pareho ta nga kubos
Para ang tood nga pagbag-o makaptan ta sang lubos-lubos.
Akda ni:
Jordana Mari Jaco
Tagapangulo
ANAKBAYAN - UP Visayas Miag-ao Chapter
*Ito ay isang akdang ginawa upang ipakita ang aming pakikisangkot sa laban ng mga magsasaka at mga manggagawang bukid ng Hacienda Luisita, Inc.
Walang komento:
Mag-post ng isang Komento