Pahayag ng Pakikiisa sa Ika-100 Taon na Pandaigdigang Araw ng Kababaihan

Marso 8, 2011


Zamboanga City - Ngayong araw ay ang ika-100 Pandaigdigang Araw ng Kababaihan bilang pagpupugay sa kanilang naging ambag sa ating lipunan.

Sa mga nakaraang buwan, tayo ay ginulanta ng kaliwa’t kanang pagtaas sa mga presyo ng langis, bigas, gulay at iba pang mga batayang pangangailangan. Ang mga pagtaas na ito ay higit na nakakaapekto sa mayorya ng mga Pilipino, na sa kasalukuyan nga ay halos magkandakuba na sa paghahanapbuhay.

Subalit sa loob ng siyam na buwan na panunungkulan ni Noynoy Aquino ay wala tayong nakikitang sapat na aksyon upang bigyan ng kaukulang solusyon ang matagal nang pasanin ng mamamayan, lalo’t higit sa hanay ng kababaihan.

Isang malaking kasinungalingan lang ang lahat ng ipinangako ng Rehimeng US-Aquino noong kasagsagan ng eleksyon. Ilusyon lang ang ibinabanderang pagbabago ng kasalukuyang rehimen.

Mahigpit na ipinapahayag ngayon ng mga kabataan at estudyante, sa ilalim ng LEAGUE OF FILIPINO STUDENTS, ANAKBAYAN at KABATAAN PARTYLIST, ang aming pakikiisa sa hanay ng mga kababaihan sa ilalim ng GABRIELA.

Lubos ang aming pagsuporta sa mga panawagan sa ating gobyerno sa maraming krisis na kinakaharap ngayon ng kababaihan sa partikular at ng malawak na mamamayan sa pambansang saklaw.

•    Dapat mamagitan at manghimasok na ang gobyerno para sa mas mababang presyo ng pagkain.
•    Taasan ang sahod ng mga manggagawa.
•    Ipatupad ang Comprehensive Reproductive Health Bill.
•    Iligtas ang mga Overseas Filipino Workers na nasa mapanganib na sitwasyon.
•    Ipamahagi na sa mga magsasaka ang lupain sa Hacienda Luisita.
•    Itigil ang demolisyon sa mga maralitang komunidad.
•    Palayain ang lahat ng bilanggong pulitikal at usigin si Arroyo at ang kanyang mga kasabwat.
•    Katarungan para sa mga kababaihang biktima ng Japanese Military sa panahon ng World War II.
•    Itigil ang karahasan laban sa kababaihan at mga bata.
•    Itaguyod ang karapatan at kagalingan ng mga bata.

Mariin ding tinututulan ng kabataan ang anumang pagtaas sa matrikula at iba pang bayarin sa mga eskwelahan. Dapat ay ipatupad na agad ang Tuition Moratorium Bill na hanggang ngayon ay nakabinbin pa rin sa kongreso.

Sa kasalukuyang kalagayan, nabigo ang Rehimeng US-Aquino na itaguyod ang interes ng mga kababaihan at ng mamamayan. Wala siyang pinagkaiba sa mga lumipas na mga rehimen na ang interes pa rin ng imperyalistang Estados Unidos at ng lokal na mga papet nito, ang patuloy na itinataguyod nito.

Patuloy pa rin ang laban natin sa pagtupad ng mga nasabing panawagan sa pagbasura sa kontra-mamamayang mga batas at polisiya. Subalit sa oras na binibigo tayo ng estado sa ating mga hinaing, patuloy na lalakas ang pakikibaka ng mga kababaihan at mamamayan para itaguyod at isulong ang ating mga batayang karapatan at interes.

Sa araw na ito, pinakamataas na pagpupugay ang inihahandog namin sa mga kababaihang nakikibaka para sa pambansang demokrasya. Hanggat may pagsasamantala at lumalala ang kahirapan sa ating lipunang malapyudal at malakolonyal, susulong sa daluyong ang kilusang masa ng mamamayan.

Kasama ang mga kababaihan, puspusang makikibaka at lalaban ang mamamayan para makamit ang pambansang demokrasya at lubusang maitayo ang isang lipunang pantay-pantay.

Sahod itaas, presyo ibaba!
Wakasan ang dayuhang kontrol sa industriya ng langis!
Isabansa ang industriya ng langis!
Ibasura ang Oil Deregulation Law!
Trabaho sa sariling bayan, hindi Labor Export Policy!
Mabuhay ang kababaihan at mamamayang lumalaban!
Makibaka para sa Pambansang Demokrasya tungo Sosyalismo!

LEAGUE OF FILIPINO STUDENTS ● ANAKBAYAN
KABATAAN PARTYLIST ● GABRIELA

LUSAK

Lumalalim na ang gabi

kaalinsabay ng panginig-butong ihip ng hangin

waring niyeyelo ang tila nangungulubot ng buko-buko

ng mamang ngayon ko lang nakita sa tanang buhay ko.

Ang pagbulusok ng hindi matinag na ulan

ay patuloy pa ring hinahagupit ng walang alinlangan

ang kanyang tampil-tampil na bahay na nakahandusay sa akasya

na kung iisipin mo na sa isang saglit’y kakapa na sa lupa.
 

Dali-dali niyang dinampot ang timbang na inaagnas

bakas ang mga taong pinagsisilbihan ang kugong bahay niya

patungo sa sahig na yakap na yakap ng basa

mula sa kisameng tadtad na ng butas.

  

Nagngingitngit ang paligid sumasabay sa kanya

isang pangyayari na lang hinihintay niya

upang umagos mga butil ng luha

mula sa malalamya ngunit patay ng mga mata. 

Nag-uugod ugod na hinarap ang inaalikabok na salamin

dati pang sinabit sa dingding ng anak na giliw

ngunit ngayo’y nilamon na ng gahamang ahas

bundat ang tiyan’t bulsa sa pang-aalipusta ng kapwa niya sakada.

Kalamna’y biglang tinawag ng rekatangulong lamesa

bulok, inaanay at ang isang paa’y putol na

ngunit nagdalawang-isip kung ipagpapatuloy pa

ang paghakbang ng dalawang paa, gayong walang

lamang pinggan ang alay ng hapag. 

Sa kakarampot na nwebe at sengkweta sentimos

sinusuhol niya sa kada araw na pag-aalay ng pawis at dugo

habang ang amo’y nakaupo’t nagtutungga ng pulang alak

Ano nga bang hapag inaasahan mo sa tuwina?

Nagbuntong-hininga at napapikit ng mata

lusak ng pait at hapding dala ng kahapon’y

tanikalang gumagapos sa pusong kahit labnos na ay umaasa pa ring

pakikinggan ng ganid na panginoong maylupa

na binalibag ang pahat niyang dalaga.

Hanggang ngayo’y si Satanas pa rin siya

sa di-makataong pagyurak sa kanila

Habang nakikibaka sa kalsada kasabay ng mga kasamahang

nananawagan ng agarang lunas at hustisya

hinablot niya mapuputing saplot ng minamahal na anghel.

Setentasais na siyang nanggagapas ng nagtataasang tubo

At setentasais na rin siyang hinihigop ng delubyo

Malawig na mga taong ginagahasa kanilang pagkatao

Hindi lamang ng masabang maylupa kundi

Ang semikolonyal at semipyudal na sistema minementena nito.

Noon pa ma’y lupang pinaglaanan ng mapupulang mga patak

Ang pilit pinagsisigawan sa sosyodad

At hanggang ngayo’y yun pa rin bukambibig

Ng mamang ngayon ko lang nahagilap

Ang mga inuusal ng bibig at gawi.

Sa maikling oras na sinilip ko buhay niyang yaon

di maikakailang isa lamang siya sa pagkarami-raming

proleteryat na kailangang manawagan at ipaglaban

ng mamamayang Pilipinong mulat sa kabulukan ng sistema

at pilit na humahawak sa prinsipyong paglingkuran ang mamamayan.

Akda ni:

MERILLE BENEDIAN

Pangkalahatang-Kalihim

ANAKBAYAN - UP Visayas Miag-ao Chapter

 

“Ito po ay bilang pagsuporta sa laban ng mga magsasaka hindi lamang sa HaciendaLuisita ngunit sa lahat ng mga magsasakang patuloy pa rin pong ipinagsisigawan ang genuine agrarian reform at lalung-lalo na po sa mga kapatid nating nakokontentong manahimik na lang sa isang sulok..panahon na po na tayo ay makisangkot! STP!”

Diin ikaw, 'pagbag-o'?

Sa aton paghuna-huna

Sin-o gid bala ang gilayon nga makatapna

sang nagkalain-lain nga krisis sang aton pungsod

sa edukasyon, sa ubra, sa duta kag sa pamalaklon,

Sin-o gid bala ang makasulbar?

Amo na ang pamangkot na 'kon.

Indi bala dugay na kita gadamgo sang aton pag-uswag?

Maka-ubra tawhay kag bayaran sang sapat,

Makakaon insakto para ang tutunlan indi mag-askad.

Indi lang puro asin nga tam-an kaalat.

Sa pila ka tuig nga pagduso sang pagbag-o,

Sin-o gid man bala ang makahimo sini sang insakto?

Ina gid man bala ang isa ka lalaki nga kuno insakto ang agi

Daw si sin-o nga maayo nga gulpi nalang nag-kari.

Pero kung ara gid man siya sa husto nga alagyan,

Ngaa ang iya duta indi ya malang mabuy-an?

Samtang ang mga imol nagapanawagan,

Ato to siya nagabungol-bungolan.

May paglaum gid man bala kita sang pagbag-o halin sa iya?

May mahimo gid man bala nga kaayuhan ang pagpungko ya?

Ukon asta lang man na siya sa hambal

Wakal lang nga wakal, nga daw damuhal.

Sa sini nga tini-on indi kita dapat maghipos-hipos lang

kinanglan ta pakigbatu-an ang sistema nga tiko kag kulang

Kinanglan ta isulong ang interes sang pareho ta nga kubos

Para ang tood nga pagbag-o makaptan ta sang lubos-lubos.

Akda ni:

Jordana Mari Jaco

Tagapangulo

ANAKBAYAN - UP Visayas Miag-ao Chapter

*Ito ay isang akdang ginawa upang ipakita ang aming pakikisangkot sa laban ng mga magsasaka at mga manggagawang bukid ng Hacienda Luisita, Inc.